ພຣະເຈົ້າສຸວັນນະໄຕພູມ ປາງສະມາທິ , ມີນ້ຳຫນັກ 2,4 ໂຕນ , ຫນ້າຕັກ 2.6 ແມັດ , ສູງ 4.80 ແມັດ. |
ພຣະເຈົ້າໃຫຍ່ ມີຊື່ວ່າ ພຣະເຈົ້າສຸວັນນະໄຕພູມ ( ສຸວັນນະ = ດິນແດນທີຄຳ ທີຮຸ່ງເຮືອງ ແລະເປັນດິນແດນສຸວັນນະໂຄມຄຳ ແຫ່ງກຳເນີດ , ໄຕພູມ = ສ້າງມາຈາກແຮງສັດທາຈາກ 3 ປະເທດ ຄື : ລາວ, ໄທ , ມຽນມາ ) ພຣະເຈົ້າສຸວັນນະໄຕພູມ ອົງນີ້ເປັນເນື້ອທອງເຫລືອງ ເລິ່ມມີລົງມືສ້າງມາແຕ່ວັນທີ 11 ທັນວາ 2019 , ເປັນປາງສະມາທິ , ມີນ້ຳຫນັກ 2,4 ໂຕນ , ຫນ້າຕັກ 2.6 ແມັດ , ສູງ 4.80 ແມັດ.ມູນຄ່າການກໍ່ສ້າງປະມານ 400 ລ້ານກີບ ( ທຸກຢ່າງພ້ອມຄ່າຂົນສົ່ງ ) ບໍ່ລວມກັບສັດທາ ຂອງຜູ້ປະກອບສ່ວນທີເປັນວັດຖຸຕ່າງໆ ເຊັ່ນ : ຜູ້ປະກອບສ່ວນເປັນຄ່າແກ໋ດ ຄ່າຖ່ານ ໃນການຫລອມ...ການສ້າງພຣະອົງນີ້ຈະເຮັດຫນາເປັນພິເສດ ແລະມີການເຮັດເປັນກະດູກງູໄວ້ຂ້າງໃນພຣະ ເພື່ອຄວາມແຂງແຮງທົນທານ ຈົນໃຫ້ຮອດ 5000 ພັນວັດສາ ຂອງພຣະສາສະດາໂຄຕະມະໂຄດົມ ໃນພາຍພາກຫນ້າພຸ້ນ ພຣະອົງນີ້ເປັນການອອກແບບ ການກໍ່ສ້າງ ການຈັດການ ນຳພາໂດຍ ພຣະອາຈານ ຈຸ໋ມ ຂັດຕິຍະ ແຫ່ງວັດສຼີບຸນເຮືອງ ເມືອງຕົ້ນເຜົງ ແຂວງບໍ່ແກ້ວ ແລະມີການເຄື່ອນຍ້າຍເພື່ອນຳມາປະດິດສະຖານໄວ້ທີ ວັດຈອມທອງ ວະນາຣາມ ນະຄອນຫລວງວຽງຈັນ ໂດຍເລິ່ມອອກເດິ່ນມາຈາກບ່ອນກຳເນີດ ບ່ອນຫລໍ່ຫລອມ ວັດສີຼບຸນເຮືອງ ເມືອງຕົ້ນເຜິ້ງ ແຂວງບໍ່ແກ້ວ ເຊິ່ງອອກເດິນທາງໃສ່ລົດ 6 ລໍ້ມາແຕ່ວັດທີ 12/06/2020 ໂດຍມາພັກຄ້າງຄືນທີບ້ານນວນ ເມືອງນາໝໍ້ ແຂວງອຸດົມໄຊ ເປັນມື້ທີ 1, ສ່ວນມື້ທີ 2 ວັນທີ 13/06/2020 ແມ່ນມາພັກຄ້າງຄືນທີເມືອງຊຽງເງິນ ແຂວງຫລວງພຣະບາງ, ມື້ທີ 3 ແມ່ນມາພັກຄ້າງຄືນທີບ້ານນ້ຳແຈ້ງ ເມືອງໂພນໂຮງ ແຂວງວຽງຈັນ ແລະຕອນເຊົ້າ ວັນທີ 15/06/2020 ແມ່ນອອກເດິນທາງມາຮອດ ວັດຈອມທອງ ວະນາຣາມ ນະຄອນຫລວງວຽງຈັນ ປະມານ 10:00 ໂມງເຊົ້າ ( ພຣະເຈົ້າສຸວັນນະໄຕພູມ ອົງນີ້ ເຄືອນຂະບວນໄປຮອດບ່ອນໃດ ຟ້າຝົນກໍ່ອຳນວຍຕົກໃຫ້ແຜ່ນດິນນັ້ນຊຸ່ມເຢັນຕະຫລອດທາງ )
ມື້ນີ້ພວກເຮົາທັງຫລາຍ ມາຟັງ ມາອ່ານປະຫວັດຂອງພຣະອາຈານ ຈຸ໋ມ ຂັດຕິຍະ ແຫ່ງວັດສູີບຸນເຮືອງ ເມືອງຕົ້ນເຜິ້ງ ແຂວງບໍ່ແກ້ວ
ຊື່ເດີມ ແມ່ນ ທ້າວຈູ໋ມ ຂັດຕິຍະ ເກີດເມື່ອວັນທີ 22/10/1977 ທີບ້ານຂິ່ງ ເມືອງຊຽງຮ່ອນ ແຂວງໄຊຍະບູລີ ເຜົ່າລື້ , ບິດາຊື່ວ່າ ພໍ່ແກ້ວ , ມານດາຊື່ວ່າ : ແມ່ພົມ ເດັກຊາຍຈຸ໋ມ ຮ່ຳຮຽນຫນັງສືຢູ່ບ້ານຂິ້ງ ຈົນປະຖົມ ປໍ 5 ຫລັງຈາກນັ້ນກໍ່ຮ່ຳຮຽນວິຊາແປງລົດຈັກ ລົດໃຫຍ່ ຈົນເກັ່ງລ້ຽງຊີບໄດ້ ຈົນອາຍຸຄົບ 20 ປີ ຈຶ່ງໄດ້ອອກບວດເປັນພຣະພິກຂຸສົງ ເມື່ອປີ 1998 ທີວັດທັບຄໍ້ , ບ້ານທັບຄໍ້ ,ເມືອງທັບຄໍໍ້ ແຂວງພິຈີດ ໂດຍໄດ້ຮຽນການກໍ່ສ້າງ ການສ້າງພຣະພຣະພຸດທະຮູບ ທີວັດແຫ່ງນີ້ເອງ ຫລັງຈາກນັ້ນເມື່ອປີ 2001 ໄດ້ມາຈຳພັນສາຢູ່ວັດບ້ານຄວ້ານເກົ່າ ( ແຖວຄາຊິໂນ ) ເມືອງຕົ້ນເຜິ້ງ ແຂວງບໍ່ແກ້ວ ແລະເມື່ອປີ 2009 ໄດ້ຖືກຊາວບ້ານພາກັນມາອາທະນານິມົນໃຫ້ໄປຈຳພັນສາຢູ່ບ້ານສຼີບຸນເຮືອງ ເມືອງຕົ້ນເຜິ້ງ ແຂວງບໍ່ແກ້ວ ຈົນຮອດທຸກມື້ນີ້.
ເພາະເພິ່ນເປັນພຣະທີມັກຢູ່ເບື້ອງຫລັງ ຂອງການສ້າງພຣະພຸດທະຮູບ ທີງົດງາມທັງຫລາຍ ທີນຳໄປປະດິດສະຖານເກືອບທົ່ວປະເທດມາແລ້ວ ນອກນັ້ນເພິ່ນຍັງໃຫ້ຄຳປຶກສາ ໃນການສ້າງພຣະ ປະຕິສັງຂອນພຣະພຸດທະຮູບຕ່າງໆ ທົ່ວປະເທດລາວເຮົາ ຕັ້ງແຕ່ເຫນືອຣອດໃຕ້ມາແລ້ວ ເຊັ່ນ : ຢູ່ແຂວງບໍ່ແກ້ວ ເພິ່ນໄດ້ສ້າງພຣະພຸດທະຮູບ ມາແລ້ວຈຳນວນ 45 ອົງ ເພິື່ອປະດິດສະຖານຕາມວັດຕ່າງໆທົ່ວແຂວງບໍ່ແກ້ວ , ແຂວງຫລວງນ້ຳທາ ກໍ່ມີວັດພຣະທາຕຸຊຽງຕຶງ, ວັດບ້ານວຽງເຫນືອ , ນະຄອນຫລວງວຽງຈັນ ກໍ່ມີວັດໂຊກໄຊ ວັດຈອມໄຕ , ແຂວງຄຳມ່ວນ ມີວັດສີສະເກດ ເມືອງຫນອງບົກ , ແຂວງໄຊຍະບູລີ ປະກອບມີ ພຣະປາງປະທານພອນອົງໃຫຍ່ ທີເມືອງຊຽງຮ່ອນ, ວັດຖ້ຳອຸຕຸມຄຳ ເມືອງຊຽງຮ່ອນ , ວັດບ້ານຂິ່ງ ເມືອງຊຽງຮ່ອນ, ວັດຫນອງຊາງ ເມືອງຊຽງຮ່ອນ , ວັດບ້ານຊ້າງ ເມືອງຊຽງຮ່ອນ , ວັດບ້ານຫລວງເມືອງເງິນ , ຫລວງພຣະບາງ ວັດນາຊາງ ວັດຖິ່ນແກ້ວ ທາງໄປຕາດກວາງຊີ , ແຂວງວຽງຈັນ ເມືອງທຸລະຄົມ ພູເຂົາຄວາຍ 5 ອົງ
ນອກນັ້ນຍັງເປັນທີປືກສາໃນການບູຣະນະປະຕິສັງຂອນພຣະອົງທີ ເປ່ເພ ທັງຫລາຍ ໃຫ້ຄົງສະພາບສົມບູນ ແລະງົດງາມຂຶ້ນອີກ ຄື ບູຣະນະພຣະເຈົ້າໃຫຍ່ວັດຈອມເພັດ ແຂວງຈຳປາສັກ ນອກນັ້ນຍັງໃຫ້ຄຳປືກສາການສ້າງພຣະຢູ່ເມືອງປາກລາຍ ເມືອງຄອບ ອີກນຳດ້ວຍ...
ຂໍ້ມູນໂດຍ : ທ່ານ ຫຸມເພັດ ມະນີສຸກ
ຮູບໂດຍ : SPS SITHIXAY
ความคิดเห็น
แสดงความคิดเห็น