ຄວາມໝາຍທີມາຂອງຄຳວ່າ ເມນ ຫລືເມຣຸມາດ
ເມນ ຫຼື ເມຣຸມາດ ເມນ
ແມ່ນໄດ້ຫຍໍ້ມາຈາກ ພູໜ່ວຍໜຶ່ງທີ່ມີຊື່ວ່າ: ພູພຣະສຸເມນ
ເປັນພູທີ່ມີຄວາມສໍາຄັນຕາມຄະດີຂອງ ສາສະໜາຮີນດູ, ສາສະໜາເຊນ ແລະ
ພຣະພຸດທະສາສະໜາ, ຄືພູຜາທີ່ເປັນສູນກາງຂອງໂລກ ຫຼືຈັກກະວານ
ເປັນທີ່ຢູ່ຂອງສິ່ງມີວິນຍານໃນພົບ ແລະ ພູມຕ່າງໆ ຂອງສັດໂລກ. ພູພຣະສຸເມນ
ຕັ້ງຢູ່ເໜືອນໍ້າ ໘໔,໐໐໐ ໂຍດ ( ເທົ່າກັບ ໑,໓໔໔,໐໐໐ ຫຼັກ ) ມີພູຜາຮອງຮັບ ໓
ໜ່ວຍ ໂດຍສ່ວນຖານຄືຕີກຸດ (ສາມເສົ້າຫຼືສາມຍອດ) ມີພູລ້ອມຮອບ໗ທິວ
ເອີ້ນວ່າ:ສັດຕະບໍຣິພັນຄິຣີ ຄື: ຍຸຄົນທອນ, ກໍຣະວິກ, ອິສິນທອນ, ສຸທັດ, ເນມິນທອນ,
ວິນັນ ຕະກະ, ແລະ ອັດສະກັນ ມີເທວະດາຊັ້ນຈະຕຸມະຫາຣາຊິກາ ແລະ
ບໍຣິວານສິງສະຖິດຢູ່. ພູພຣະສຸເມນ ເຊື່ອກັນວ່າມີຍອດສູງຈຸທ້ອງຟ້າ, ຕິດຈອດກັບ
ເມືອງສະຫວັນ ຊັ້ນດາວະດິງ, ເປັນບ່ອນພຣະອິນປະທັບຢູ່, ເຊິ່ງຕັ້ງຢູ່ໃຈ
ກາງຂອງຈັກກະວານ.
ຈາກຫນັງສືສັດຈະທັມຊີວິດ
ຮິບໂຮມໂດຍ : ພຣະອາຈານ ບຸນທະວີ ວິໄລຈັກຣ໌.
ບັນນາທິການໂດຍ : ສີສະຫວາດ ທີລະວົງສ໌
ກວດແກ້ອັກສອນໂດຍ : ວິຣະວັດ ວິໄລຈັກຣ໌.
ຮິບໂຮມໂດຍ : ພຣະອາຈານ ບຸນທະວີ ວິໄລຈັກຣ໌.
ບັນນາທິການໂດຍ : ສີສະຫວາດ ທີລະວົງສ໌
ກວດແກ້ອັກສອນໂດຍ : ວິຣະວັດ ວິໄລຈັກຣ໌.
ความคิดเห็น
แสดงความคิดเห็น