ພຣະທາດຈອມສິງ
ເມືອງສິງ ແຂວງ ຫຼວງນໍ້າທາ ແມ່ນຕັ້ງຢູ່ ທາງທິດຕາເວັນຕົກສ່ຽງໃຕ້ ຂອງເມືອງສິງ ຕັ້ງຢູ່ເທິ່ງຈອມພູ
ແຄມເສັ້ນທາງ ເມືອງສິງ - ເມືອງລອງ, ໄລຍະຫ່າງຈາກ ຕົວເມືອງສິງ ໄປທາງເມືອງລອງ ປະມານ 10 ກິໂລແມັດ.
ມີເສັ້ນທາງດິນແດງ ຈາກຕີນພູ ຂຶ້ນຫາ ຈອມພູ ສາມາດເອົາລົດຈັກ ແລະ ລົດໃຫ່ຍຂຶ້ນໄດ້
ໄລຍະທາງ ຈາກຕີນພູ ຫາຈອມພູ ມີຄວາມຍາວ ປະມານ 300 ແມັດ.
ຕະຫຼອດລາດຊະການ ຂອງພະຍາແທນໃຫ້ ປົກຄອງເມືອງສິງຫຼວງ
ແມ່ນມີຄວາມອຸດົມສົມບູນ, ກໍ່ສ້າງສາຕົວເມືອງ (ຄູວຽງ) ຂອງເພ່ິນເອງ ພ້ອມທັງຂຸດຄູ
ອ້ອມຮອບ (ປະຈຸບັນ ຮ່ອງຮອຍຄູວຽງເກົ່າ ຍັງມີຢູ່ບາງສ່ວນບໍລິເວນ ພຣະທາດຫຼວງຊຽງຕຶງ)
ປີ ຄສ 1519 ໄດ້ມີຄົນຜູ້ໜຶ່ງມີຊື່ວ່າ "ທ້າວ ໄຮ່ພະ (ຍາແທນໃຫ້)" ໄດ້ນຳພາຄົນ
ຈຳນວນ 600 ຄົນ, ເຂົ້າມາຕັ້ງ ບ້ານເຮືອນຢູ່ໃນດິນແດນ ເມືອງອາລາວີ
ເຊິ່ງເປັນເມືອງປະຮ້າງ ໄວ້ເຖິງ 350 ປີ. ພະຍາແທນໃຫ້ ສ້າງເມືອງ (ຄູວຽງ)
ຂຶ້ນຢູ່ບໍລິເວນ ພູທາດຫຼວງຊຽງຕຶງ ໃນປະຈຸບັນໃນ ປີ ຄສ 1519 ແລະ ຕັ້ງຊື່ເມືອງວ່າ:
"ເມືອງມະຊິມມະອາລະວີ" ພາຍຫຼັງສ້າງວຽງ (ເມືອງ) ແລ້ວປະຊາຊົນ
ໄດ້ຫົດສົງໃຫ້ ທ້າວໄຮ່ ຂຶ້ນເປັນ "ພະຍາທ້າວໄຮ່" ຂຶ້ນປົກຄອງເມືອງ
"ມະຊິມມະທະນີອາລະວີ" ແລະ ເນ່ືອງຈາກວ່າ ລາວເປັນ ຄົນໃຈບຸນ ໃຈກຸສົນ,
ມັກກິນ ມັກທານ, ຢູ່ໃນສິນກິນໃນທຳ, ມີຈິດໃຈເອື້ອເຟື້ອ ເພື່ອແຜ່ ເວລາໃຜຂໍຫຍັງກໍໃຫ້ ດັ່ງໃຈ. ດັ່ງນັ້ນຈ າກຊື່ພະຍາໄຮ່ ປະຊາຊົນ ຈິ່ງພາກັນເອີ້ນວ່າ
"ພະຍາແທນໃຫ້" ພາຍຫຼັງທີ່ ພະຍາແທນໃຫ້ ປົກຄອງເມືອງ
"ມະຊິມມະທະນີອາລະວີ" ມາຮອດປີ ຄສ 1521 ກໍໄດ້ປ່ຽນຊື່ເມືອງ ຈາກ
"ເມືອງມະຊິມມະ ທະນີອາລະວີ" ມາເປັນ
"ເມືອງສິງກຸດຕະລະລາຊາທະນີອາລະວີ ຫຼື ເມືອງສິງຫຼວງ (ສິງໃຫ່ຍ)".
ນອກຈາກນັ້ນ ພະຍາແທນໃຫ້ ຍັງໄດ້ບູລະນະ ພຣະທາດຫຼວງຊຽງຕຶງ ຂຶ້ນໃໝ່ ແລະ ສ້າງພຣະທາດ
ດວງໜຶ່ງຂຶ້ນ ແລະ ຕັ້ງຊື່ວ່າ ພຣະທາດຈອມສິງ ເຊ່ິງໄດ້ເອົານາມ ເມືອງສິງ
ທີ່ຕັ້ງຂຶ້ນໃໝ່ນັ້ນ ມາຕັ້ງ ເປັນຊື່ພຣະທາດ ເພື່ອເປັນພຣະທາດ ບ້ານຄູ່ເມືອງສິງ
ອີກດວງໜຶ່ງ ທີ່ສະແດງເຖິງວ່າ ສ້າງຂຶ້ນພ້ອມກັບການສ້າງ ເມືອງສິງ ຂຶ້ນມານັ້ນເອງ ແລະ
ໄດ້ກຳນົດເອົາມື້ ຕາມການຄິດໄລ່ ຂອງເຖົ້າແກ່ບ້ານທຸກໆປີ ເປັນມື້ ນະມັດສະການພຣະທາດ.
Cr : ອົງການພັດທະນາການທ່ອງທ່ຽວ
ນໍາສະເໜີໂດຍ : ລາວ Temple
ความคิดเห็น
แสดงความคิดเห็น