ວັດສີເມືອງ ເປັນບ່ອນຕັ້ງຂອງເສົາຫລັກເມືອງ
ຢູ່ເຂດບ້ານສີເມືອງ, ເມືອງ ສີສັດຕະນາກ
ນະຄອນຫຼວງວຽງຈັນ,ເຊິ່ງມີປະຫວັດ
ອັນເກົ່າແກ່ທີ່ເລົ່າຂານສືບຕໍ່ກັນມາວ່າໃນສະໄໝກ່ອນ
ຕອນທີ່ຊາວເມືອງພວມເຮັດພິທີປັກຫລັກເມືອງຢູ່ນັ້ນ ມີແມ່ຍິງຄົນໜຶ່ງຊື່ວ່ານາງ ສີ ເຊິ່ງກຳລັງຖືພາໄດ້ສະຫລະຊີບໂດດລົງໄປໃນຂຸມນັ້ນ, ນາງໄດ້ຖືກຝັງໄປພ້ອມຫລັກເມືອງ ແລະ
ກາຍເປັນຜີຫລັກເມືອງຈຶ່ງເປັນທີ່ມາ ຂອງຊືວັດສີເມືອງແຫ່ງນີ້.
ຍ້ອນວ່າວັດສີເມືອງເປັນສະຖານທີ່ສັກສິດ ຈຶ່ງໄດ້ກາຍເປັນທີ່ເພິ່ງທາງໃຈໃຫ້ແກ່ຊາວລາວ
ແລະ ເປັນສະຖານທີ່ ທີ່ຊາວຕ່າງຊາດໃຫ້ຄວາມສົນໃຈເຂົ້າມາສຶກສາ ທຸກໆປີໃນມື້ຂຶ້ນ 15 ຄ່ຳເດືອນ 12 ຂອງລາວ
ເຊິ່ງກົງກັບມື້ບຸນນະມັດສະການພຣະທາຕຸຫລວງ ຈະມີພິທີແຫ່ປະສານເຜິງ
ເຊິ່ງເລີມຕົ້ນແຮ່ຈາກວັດສີເມືອງແຫ່ງນີ້ໄປຫາພຣະທາຕຸຫລວງວຽງຈັນ.
ພາຍໃນວັດສີເມືອງເປັນທີ່ຕັ້ງຂອງເສົາຫຼັກເມືອງປະຈຳນະຄອນຫຼວງວຽງຈັນ ວັດສີເມືອງສ້າງຂື້້້້ນໃນປີ ພ.ສ.2106 ໂດຍເຫຼົ່າເສນາອຳມາດ ຂອງພຣະເຈົ້າໄຊຍະເສດຖາທິລາດໄດ້ລົງຄວາມເຫັນໃຫ້ສ້າງວັດສີເມືອງ ນະທີ່ແຫ່ງນີ້ຕໍ່ມາຖືກກອງທັບສະຍາມທຳລາຍລົງ ໃນປີ ພ.ສ.2371 ແລະສ້າງວັດສີເມືອງຂຶ້ນມາໃໝ່ໃນປີ ພ.ສ.2458 ພາຍໃນວັດສີເມືອງມີພຣະພຸດທະຮູບປະດິດສະຖານຢູ່ຢ່າງຫຼວງຫລາຍ ໂດຍສະເພາະ ພຣະພຸດ ທະຮູບສັກສິດແລະເກົ່າແກ່ ພຣະພຸດທະຮູບອົງນີ້ໄດ້ຊຳຣຸດໄປບາງສ່ວນຊຶ່່ງຊາວລາວເຊື່ອກັນວ່າພຣະພຸດທະຮູບອົງນີ້ສັກສິດເປັນຢ່າງຫລາຍ.
ความคิดเห็น
แสดงความคิดเห็น