ພຣະສົງເມືອງສີຼສັດຕະນາຄ ລົງອຸໂປສົຖສັງຄະກັມ ທີວັດພຣະຍາວັດວັນອາທິດ ວັນທີ 05 ກໍລະກົດ 2020 ທີວັດເພຍວັດ ເມືອງສີຼສັດຕະນະ
ນະຄອນຫລວງວຽງຈັນ ພຣະພິກຂຸສົງ ທົ່ວເມືອງສີຼສັດຕະນາກ
ໄດ້ມາຮ່ວມອຸໂປສົຖສັງຄະກັມ (ຟັງສູຕຣ໌ພຣະປາຕິໂມກຂ໌) ມື້ເຂົ້າພັນສາ ເພັງ 15
ຄ່ຳ ເດືອນ 8 ພສ 2563 ທີວັດເພຍວັດວັດເພຍວັດ ຫລືວັດພຣະຍາວັດ
ເຊິ່ງເປັນວັດທີ ທີ່ໃຫຍ່ແລະທີສຸດ ສຳຄັນສຸດໃນເມືອງວຽງຈັນເບິ່ງສະເພາະສິມແລະພຣະເຈົ້າອົງຫລວງທີເປັນພຣະປະທານຂອງວັດເພຍວັດກໍ່ສົມຊື່
ວັດແຫ່ງນີ້ສ້າງເມື່ອປີ ຄສ 1551 ໂດຍພຣະຍາຈັນທະບູຣີສີຼສັຕທັມມະໄຕໂລກ
ຜູ້ປົກຄອງເມືອງວຽງຈັນໃນໄລຍະນັ້ນ ເປັນເປັນກ່ອນທີເຈົ້າໄຊຍະເສດຖາທິຣາຊຈະຍ້າຍນະຄອນຫລວງ ຈາກຫລວງພຣະບາງ ມາສູ່ນະຄອນວຽງຈັນກ່ອນນັ້ນ 9 ປີ
ເຊິ່ງກົງກັບເຈົ້າໂພທິສະຣະຣາຊ (1520 -1550 ) ປົກຄອງແຜ່ນດີນລ້ານຊ້າງ ໄດ້ 30
ປີ.
ໂດຍພາຍໃຕ້ການນຳພາຂອງພຣະອົງ ໄດ້ນຳພາກໍ່ສ້າງ ຣາຊະວັງ, ຫໍພຣະແກ້ວ,
ວັດຈັນ, ວັດກາງ, ວັດເພຍວັດ ແລະ ວັດອຶ່ນໆ
ໃນເເຂດກຳແພງເມືອງແລະນອກກຳແພງເມືອງວຽງຈັນ ສ່ວນວັດສີສະເກດ ແຕ່ກ່ອນ
ແມ່ນວັດແສນ ໄດ້ສ້າງໃນ ປີ 1521, ວັດໂພນພຣະເນົາ, ວັດໜອງບອນ ກໍ່ແມ່ນ
ວັດທີ່ເກົ່າແກ່ ສ້າງກ່ອນ ປີ 1530. ພຣະອົງກໍ່ໄດ້ໄປສ້າງວັດທີ່ ໂພນພິໄສ
(ແຂວງໜອງຄາຍ) ຊຶ່ງໄດ້ຄົ້ນພົບ ຫີນສີລາຈາລຶກ ຂອງ ວັດແດນເມືອງ ສ້າງໃນ ພ.ສ 2080
(ຄສ1535) ບອກວ່າ ພຣະເຈົ້າໂພທິສະຣະຣາຊໄດ້ມາສ້າງ ຕັ້ງໂພນພິໄສ
ໃຫ້ເປັນເມືອງຣາຊະທານີ ແຫ່ງໜຶ່ງ, ນອກຈາກວັດແດນເມືອງ ແລະ
ວັດໂພນພູນເມືອງ ທີ່ໂພນ ພິໄສແລ້ວ ເພິ່ນ ຍັງໄດ້ສ້າງວັດ ທີ່ໜອງຄາຍອີກ.
(ອີງຕາມຂໍ້ມູນ ຂອງ Lorrillard ແລະ Henri Deydier ປີ 1958).
ວັດເພຍວັດຖືກສົງຄາມທຳລາຍພ້ອມກັບເມືອງວຽງຈັນທີຖືກເຜົ້າໄຫມ້ ຕົກມາຮອດປີ ຄສ
1911 ທ່ານເຣນຣີ ປາກມັງເຈ
ນັກສຳຫລວງຄົນຝຣັ່ງເສດໄດ້ເຂົ້າມາເກັບກຳຂໍ້ມູນຄົ້ນຄວ້າຂອງສິລະປະລາວ
ໄດ້ເຫັນວັດເພຍວັດຕົກຢູ່ໃນສະພາບເພພັງໂປດເພ່ຈາກສົງຄາມແລະການເວລາມີພຣະພຸທທະຮູບທັງປູນແລະທອງສຳຣິດລຽງລາຍຕາມບໍລິເວນວັດແຫ່ງນີ້
ຫລັງຈາກນັ້ນເພິ່ນກໍ່ໄດ້ມີການຮີບພຣະພຸດທະຮູບທອງສຳຣິດນ້ອຍໃຫຍ່ໄປເກັບຮັກສາໄວ້ທີກົມມະຣຽນວັດສີຼສະເກດ ເມື່ອປະມານປີ ຄສ 1960
ແລະ ວັດເພຍວັດກໍ່ເລິ່ມມີການປະຕິສັງຂອນຄືໃຫມ່
ໂດຍສະເພາະພຣະເຈົ້າອົງຫລວງແລະສິມທີໃຫຍ່ໂຕມະໂຫຖານນີ້ເມື່ອປະມານປີ ຄສ
1958-1960 ມານີ້ .
Cr :
Houmphet Manisouk
ความคิดเห็น
แสดงความคิดเห็น